این همه دوشنبههای تلخی که گذشتند، و هر سال، تیرماه هر سال، آخرین روزهایش که میرسند … بوی تو میپیچد توی وجودم … شعر شعر میشوم تلخیی زندگیات را و درد درد ضجه میزنم … رفتنت … ماه من! تیری که تولدت را شادمانی نکرده در فقدان غریبت …
ــــــــــــــــــــــــــــــ
منیم آییم … گوزل آییم!
بو گئچمیش گونلَری یادیندا ساخلا، قارداشیم … بو آجی آغیر گونلَری، سنسیز، چوخ، چوخ زاماندیر کی ههله اورگشمهمیشم، کی سن، داها گلمیهجاخسان … منیم گوزل آییم …
چوخ گئجهلر گوز تیکمیشم بو اوزون گویروخلی أولَن اوردوزلارا … اَل أوزاتمیشام بو درین قارا گوللی باغچایا … گوز دولاندیرمیشام بو گوز قرهلدَن قویییه … چوخ چوخ گئجهلر سنی تاپانجان دوشموشَم بو سرین درین گوز بَرهلَندیرمیش قویه … آخ منیم آییم … منیم گوزل آییم …
باخ منه منیم آییم! گور بو فیریشتهدَن نه قالیب؟ نه تاپا بیلسن، سنین! هپ سنین … بو یانمیش، کؤزه بویانمیش یوخ اولوپ ایتیپ باتان قاناتلاریما باخ … أو بویوک قیپقیرمیزی قلبی سوراخلا کی … رنگی سولوب … قانی قاچیب … باخ منیم گئجه گوندوز آغلایان گوزلَریمی منیم عزیز آییم … داها نه آی بیلدیم نه هافتاسی نه گونی … یوخ منیم نازیم … ایللر بویی گئشدیم، گورمهدیم … گورممهدیم سنی هانجی نفس، هانجی أورک مندن اوزاخ سالدی … ده منیم نازیم … بیربله أیل، سنسیز نهجور گئشدیغین سنه سویلهماخدان یورقون اولامام … أیللر، آی سیز، آیلار، هافتاسیز، هافتالار، گونسوز … گونلر … گونسوز … گئجهلر آی سیز … سویله! باخکی بو فیریشتهدن نه قالیب؟!
من یاتاندا أویانان قارداشیم، من اویاناندا، یاتان آییم … آی مننن گیزدهنن گوزل مجنونوم … سویله، سویله بو گئچمیش ایللر، نهقَدر تؤز قوندوروب سنین میهریبان أورهکیوه؟! گوی اَل دولاندیریم بو چیرمالانمیش تهقالمیش دونیاوا، بو سنسیز باتمیش آنالارا، بو آناسیز یتیم یازیخ گووَرچینلره … وهر چالیم بو چالینمیش نغمهلری منیم نازیم! سَس وهر سَسیمه … سَس سال بوغازیما، گوی بو قالان بویی گونسوز گونلرین حُرمتینه نعره چکیم بو سَسسیز ساکین دونیانین گولاخلارینا! بلکی … بلکیده «سنین یاتمیش بختین أویانا» … سنین یاتمیش بختین أویانا … نعره سالیم بو آداملا دولموش دونیایا … بو درد بیجهردن آناسیز آتاسیز حیلهگر قارینین قانینا دولاشدیریم بو ایتلمیش هانجری … آخ منیم آییم … منیم گوزل آییم …
دِدین بیراخارام سنی؟ سویلهدین سوز وهرم کی أوناتارام سنی؟! ایندی باخکی من، سنین گونباجین بو أوزاک أوجا گویون هانجی بوجاغیندان باش أوزالدیب؟! … هر بوجاغینا باش أوزالدیب، کی … کی أولمیه کی … أولماسا کی … أولا کی قارالمیش یوخی أیچینده کِفلَنمیش آیی توتا بیلهم … سنی، گینه … بیرداها … گوجاغیمدا ایشیخلاندیرا بیلهم … منیم نازلی هادیم …